Heng Apple

Feb 12, 2017

ប្រធានការិយាល័យគយ ច្រកព្រំ ខេត្តប៉ៃលិន លោក រ៉ិត គង់ បានស្លាប់​ក្នុងហេតុការណ៍​គ្រោះថ្នាក់ចរាចរណ៍យប់ម៉ិញ

| |




ខេត្តប៉ៃលិន ៖ នៅវេលាម៉ោង​១១និង២៥នាទី នាយប់ថ្ងៃទី១២ ខែកុម្ភៈ ឆ្នាំ២០១៧ លោក រ៉ិត គង់ ប្រធានការិយាល័យ
គយ និងរដ្ឋាករច្រកព្រំដែន ព្រំ នៃសាខាគយ និងរដ្ឋាករខេត្តប៉ៃលិន  បានទទួលមរណភាព ដោយសារគ្រោះថ្នាក់
ចរាចរណ៍ ដោយរថយន្តរMasda របស់លោក បុកជាមួយរថយន្តធនធំដឹកម៉ៃឃូ ក្នុងភូមិរថក្រោះឆេះ ខេត្តប៉ៃលិន។

សមត្ថកិច្ចនគរបាល​ខេត្តប៉ៃលិន បានបញ្ជាក់ប្រាប់ឲ្យដឹងថា នៅព្រឹកថ្ងៃទី១៣ ខែកុម្ភៈ ឆ្នាំ២០១៧ នេះថា មុនពេល​កើត
ហេតុ នៅយប់ថ្ងៃទី១២ ខែកុម្ភៈ លោក រ៉ិត គង់ ប្រធានការិយាល័យគយ និងរដ្ឋាករ ច្រកព្រំដែនព្រំ បានធ្វើដំណើរចេញ
ពី​កន្លែងធ្វើការ ត្រឡប់ទៅផ្ទះ នៅខេត្តបាត់ដំបង លុះដល់កន្លែងកើតហេតុក៏ជួបគ្រោះថ្នាក់ចរាចរណ៍ រថយន្តMasdaរបស់ លោក រ៉ិត គង់ ក៏បុកជាមួយរថយន្តធនធំ ដឹកម៉ៃឃូ បណ្តាលឲ្យស្លាប់ នៅកន្លែងកើតហេតុតែម្តង៕



ចូលអានបន្ត...!!!

សមត្ថកិច្ចស្រុកកំរៀង ឃាត់ខ្លួនស្រ្តីម្នាក់រួមនិងថ្នាំញៀនមួយចំនួន

| |





បាត់ដំបង​ ៖ កាលពីរសៀលថ្ងៃទី១២ខែកុម្ភះ ឆ្នាំ ២០១៧ ​កម្លាំងជំនាញនៃអធិការដ្ឋាននគរបាលស្រុកកំរៀងបានចេញ
ប្រតិបត្តិការណ៍ចុះបង្ក្រាប ទីតាំងករណីជួញដូរ និងរក្សាទុកនូវសារធាតុញៀនខុសច្បាប់ មួយកន្លែង ឋិតនៅចំណុច ផ្លូវ
ឈូកពេជ្រ ភូមិអូូរដាលើ ឃុំបឹងរាំង ស្រុកកំរៀង ខេត្តបាត់ដំបង បានធ្វើការឃាត់ខ្លួន​ជនសង្ស័យ​ម្នាក់រួមនិងវត្ថុតាង
មួយចំនួន ។

លោក​វរសេនីយ៏ត្រី​ គឹម​ ពន្លក​ អធិការ​នគរបាល​ស្រុក​កំរៀង​ បានឲ្យដឹងថា ជនសង្ស័យ ឈ្មោះ វ៉ែន វួច ភេទស្រី អាយុ ៥០ឆ្នាំ មានទីលំនៅសព្វថ្ងៃ ក្រុម១៧ ភូមិដូង ឃំុបឹងរាំង ស្រុកកំរៀង ខេត្តបាត់ដំបង រួមទាំងវត្ថុតាងមាន÷ម៉ាទឹកកក ៣៤កញ្ចប់តូច និង ២កញ្ចប់ធំ-លុយដុល្លាក្លែងក្លាយចំនួន ២១៧០០ដុល្លា ស្មើ២១៧សន្លឹក-លុយខ្មែរចំនួន១៥៣០០០
រៀល-លុយបាតចំនួន ១៨០បាត និងទូរស័ព្ទដៃម៉ាក មេតហ្វូន ១គ្រឿង។

បច្ចុប្បន្ន កម្លាំងជំនាញនៃអធិការដ្ឋាននគរបាលស្រុកកំរៀង​ កំពុង​កសាង​សំណុំ​រឿង​បញ្ជូន​ទៅ​ស្នងការខេត្តដើម្បីចាត់
ការទៅតាម​និតិវិធី​ច្បាប់។



ចូលអានបន្ត...!!!

Jan 1, 2017

ពលករខ្មែរស្លាប់២នាក់និងរបួសធ្ងន់ស្រាល២៨នាក់ ក្នុងហេតុការណ៍គ្រោះថ្នាក់ចរាចរណ៍ នៅខេត្តចាន់បុរី ប្រទេសថៃ

| |









ប្រទេសថៃ ៖ កាលពីយប់ថ្ងៃទី៣០ ខែធ្នូរ ឆ្នាំ២០១៦ នៅវេលាម៉ោង ៩.៥០នាទី​ មានករណីគ្រោះថ្នាក់ចរាចរណ៍មួយ
បានកើតឡើង នៅក្នុងភូមិ បានីងថង ឃុំសយដាវ ស្រុកសយដាវ ខេត្តចាន់បុរី ប្រទេសថៃ រវាងឡានដឹកកម្មករ
បេះមៀននិងឡានកង់ដប់ដឹកទំនិញបណ្តាលអោយមានអ្នកស្លាប់២នាក់និងរបួសធ្ងន់ស្រាល២៨នាក់។

តាមប្រភពព័ត៌មានពីក្រុមការងារទំនាក់ទំនង កម្ពុជា-ថៃ​ ច្រកដូង លោក វុន​ ធីន បានឲ្យដឹងថា ៖ ទីលំនៅបច្ចុប្បន្ន នាក់ស្លាប់ ៖ទី១មានឈ្មោះថា តេង ឆាលី ភេទប្រុស អាយុ២៨ឆ្នាំ រស់នៅភូមិ តាប៉ុន ឃុំ ទឹកជ័រ ស្រុក ព្រះនេតព្រះ
ខេត្តបន្ទាយមានជ័យ នាក់ស្លាប់ទី២៖ មានឈ្មោះ មុជ សាមន ភេទស្រីអាយុ ៣៤ឆ្នាំ រស់នៅភូមិ ពាមជរ ស្រុកពាមជរ ខេត្តព្រៃវែង ។ ចំណែកនាក់រងរបួសធ្ងន់មានចំនួន៨នាក់ និងនាក់រងរបួសស្រាលមានចំនួន២០នាក់ ។

បច្ចុប្បន្ន នាក់រងរបួសធ្ងន់កំពុងសម្រាកព្យាបាលនៅមន្ទីពេទ្យ ប៉ុកកៅ ខេត្តចាន់បុរី ប្រទេសថៃ ។

ចូលអានបន្ត...!!!

Dec 22, 2016

ក្រុមអង្គភាព សារព័ត៌មាន (រស្មីកំរៀង)​ ​រួមទាំងបងប្អូនមួយចំនួន​បានយកសំភារៈនិងថវិការមួយចំនួន ចែកជូនដល់លោកយាយចាស់ជរាពីនាក់នៅស្រុកកំរៀង

| |






បាត់ដំបង ៖​ នៅវេលាម៉ោង២រសៀលកាលពីថ្ងៃទី​ ២២ ខែធ្នូរ​ ឆ្នាំ២០១៦ ក្រុមអង្គភាព សារព័ត៌មាន (រស្មីកំរៀង)​ រួមទាំងបងប្អូនមួយចំនួន​ បានយក អង្ករ ទឹកត្រី មី ត្រីខ ទឹកសុទ្ធ នឹងថវិការមួយចំនួន ចែកជូនដល់លោកយាយចាស់
ជរាពីនាក់ ដែលរស់នៅក្នុង ភូមិអូដារលើ ឃុំបឹងរាំង ស្រុកកំរៀង ខេត្តបាត់ដំបង ។

​​តាមប្រភពព័ត៌មានពីប្រជាពលរដ្ឋដែលរស់នៅក្នុងភូមិ បានឲ្យដឹងថា ៖​ លោកយាយទី១មានឈ្មោះ ផន ផល អាយុ៦៨ឆ្នាំ លោកយាយទី២មានឈ្មោះ ស្រី មុំ អាយុ ៨៧ឆ្នាំ សព្វថ្ងៃលោកយាយទាំងពីររស់នៅភូមិអូដារលើ ឃុំបឹងរាំង ស្រុកកំរៀងដូចគ្នា ។ ព័ត៌មានបន្តទៀតថា សព្វថ្ងៃលោកយាយទាំងពីរម្នាក់ៗរស់នៅតែខ្លួនមួយ គ្មានកូនគ្មានចៅជាទីពុំនាក់ទេ រាល់ថ្ងៃមានតែប្រជាពលរដ្ឋដែលរស់នៅក្នុងភូមិបានឲ្យបាយឲ្យទឹកដល់គាត់ ។

ជាចុងក្រោយនេះលោកយាយទាំងពីរនាក់បានអរគុណដល់បងប្អូនកូនចៅដែលបានយកសំភារៈនិងថវិការមួយចំនួន
ដែលបានចែកជូនដល់ពួកគាត់ទាំងពីរ ។

ចូលអានបន្ត...!!!

May 24, 2016

សមត្ថកិច្ច​ស្រុក​កំ​រៀង បានឃាត់ខ្លួនមន្ត្រី​យោធា​ពាក់​ស័ក្តិ​៤ ១នាក់​ពាក់​ព័ន្ធ​ទៅ​លើ​ ករណីជួញដូរ​គ្រឿងញៀន

| |








ខេត្តបាត់ដំបង ៖ កាលពី​រសៀល ថ្ងៃ​ទី​២៤ ខែឧសភា​ ឆ្នាំ ​២០១៦នេះនៅ​វេលា​ម៉ោង១​និង​៣០នាទី​ កម្លាំង​នគរបាល​នៃ​មន្ទីរ​គ្រឿងញៀនខេត្ត បានសហ​ការណ៍​ជាមួយ ​កម្លាំង​នគរបាល នៃ​អធិការដ្ឋាន​ស្រុក​កំ​រៀង បាន​ចុះ​បង្ក្រាប​ទីតាំង
​គ្រឿងញៀន មួយ​កន្លែង ដែលស្ថិតនៅ​ក្នុង ភូមិ​អូរ​ដាលើ ឃុំ​បឹង​រាំង ស្រុក​កំ​រៀង ខេត្តបាត់ដំបង ។

សមត្ថកិច្ចបានឲ្យដឹងថា​ជនសង្ស័យមាន ​ឈ្មោះ ហុង ពៅ ភេទ​ប្រុស អាយុ​៥០​ឆ្នាំ​ប្លាយ ជា​មន្ត្រី​យោធា​ពាក់​ស័ក្តិ​៤ ដែល​ជាប់​ពាក់​ព័ន្ធ​ទៅ​លើ​ករណីជួញដូរ​គ្រឿងញៀន ។ ក្រោយ​ពី​បាន​ធ្វើការ​ឃាត់ខ្លួន​ជនសង្ស័យ​រួច​មក សមត្ថកិច្ច​រឹបអូស​បាន​ថ្នាំ​ញៀន​ចំនួន ៣.០០០​គ្រាប់ កាំភ្លើងខ្លី​១​ដើម និង​រថយន្ត​កាម​រី​បា​ឡែ​ន​១​គ្រឿង​ផង​ដែរ ។

បច្ចុប្បន្ន ​កម្លាំង​ជំនាញ បាន​បញ្ជូនខ្លួនជន​សង្ស័យ​មក​កាន់​ស្នងការដ្ឋាន ខេត្តបាត់ដំបង​ដើម្បី​កសាង​សំណុំរឿង ចាត់ការ​ទៅ​តាមនិតិវិធី​ផ្លូវច្បាប់ ៕

ចូលអានបន្ត...!!!

Apr 27, 2016

សម្តេចតេជោ ហ៊ុន សែន និងអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីប្រគល់សញ្ញាបត្រ ដល់សិស្សនិស្សិត សាកលវិទ្យាល័យ ធនធានមនុស្ស

| |







រាជធានីភ្នំពេញ ៖ នៅព្រឹកថ្ងៃទី២៨ ខែមេសា ឆ្នាំ២០១៦ នេះ សម្តេចតេជោ ហ៊ុន សែន នាយករដ្ឋមន្រ្តីនៃ ព្រះរាជា
ណាចក្រកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីប្រគល់សញ្ញាបត្រ ដល់សិស្សនិស្សិត សាកលវិទ្យាល័យធនធានមនុស្ស។

សិស្សនិស្សិត ដែលត្រូវទទួលសញ្ញាបត្រក្នុងព្រឹកនេះរួមមាន ជូនសិស្សថ្នាក់វិជ្ជាជីវៈ និស្សិតថ្នាក់បរិញ្ញាបត្ររង ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ ដែលពិធីប្រគល់ធ្វើឡើងនេះនៅវិទ្យាស្ថានជាតិអប់រំ រាជធានីភ្នំពេញ។
កម្មវិធីនឹងត្រូវចាប់ផ្តើមនៅម៉ោង 8:00 ព្រឹកនេះ

ចូលអានបន្ត...!!!

Apr 25, 2016

អារ៉ាប៊ីតសាអូឌីត សម្លាប់ទាហាន អាល់កៃដា ៨០០នាក់ នៅយ៉េមេន

| |






រីយ៉ាដ៖ ទីភ្នាក់ងារសារព័ត៌មានចិនស៊ិនហួ ចេញផ្សាយនៅថ្ងៃចន្ទ ទី២៥ ខែមេសា ឆ្នាំ២០១៦នេះ បានឲ្យដឹងថា ក្រុមកម្លាំងទាហានចំរុះដែលដឹកនាំប្រតិបត្តិការណ៍ដោយ អារ៉ាប៊ីតសាអូឌីត នៅថ្ងៃច័ន្ទនេះ បានទទួលជោគជ័យ និងបានសម្លាប់ទាហានរបស់ក្រុមអាល់កៃដា នៅក្នុងប្រទេសយ៉េមេន ប្រមាណជា ៨០០នាក់។

នៅក្នុងរយៈពេលត្រឹមតែ ១ម៉ោងដំបូងនៃការប្រតិបត្តិការវាយប្រហារ ទៅលើក្រុមអាល់កៃដា ភ្លាមៗក្រុមកម្លាំងចំរុះ បានសម្លាប់ទាហានអាល់កៃដាភ្លាមជាង ៨០០នាក់ នៅនឹងកន្លែងបូករួម ទាំងមេដឹកនាំសំខាន់ៗមួយចំនួនផង ហើយប្រតិបត្តិការ កំពុងតែនៅបន្តនៅឡើយ។


ចូលអានបន្ត...!!!

អាវុធហត្ថស្រុកកំរៀង ឃាត់ខ្លួនជនសង្ស័យ ០១នាក់ ពាក់ព័ន្ននិងករណីជួញដូរគ្រឿងញៀន

| |




​បាត់ដំបង ៖ នៅវេលាម៉ោង ១២ និង ២០ នាទី ថ្ងៃទី ២៤ ខែ មេសា ឆ្នាំ ២០១៦ នៅត្រង់ចំណុច ភូមិ សាមសឹប ឃុំតាក្រី ស្រុកកំរៀង ខេត្តបាត់ដំបង កម្លាំងកងរាជអាវុធហត្ថ (អ.ហ) ស្រុកកំរៀង ដឹកនាំដោយលោក វរសេនីយ៍ត្រី មុយ សាលិត មេបញ្ចាការមូលដ្ឋានអាវុធហត្ថស្រុកកំរៀង បានធ្វេីការឃាត់ខ្លួនជនសង្ស័យ ០១នាក់ ពាក់ព័ន្ននិងករណីជួញដូរគ្រឿងញៀន ។


តាមប្រភពព័ត៌មានបានឲ្យដឹងថា ជនសង្ស័យ មានឈ្មោះ. ថន ធឿន ភេទ ប្រុស អាយុ ៥៤ ឆ្នាំ មុខរបរ មិនពិតប្រាកដ មានទីលំនៅភូមិ ភ្នំតូច ឃុំ ពេជ្រចិន្តា ស្រុកភ្នំព្រឹក ខេត្តបាត់ដំបង បានដកហូតបានវត្ថុតាង យ៉ាម៉ាចំនួនគ្រាប់ ៤៧ គ្រាប់ ទូរស័ព្ទដៃ ចិន ០១ គ្រឿង និងម៉ូតូ ហុងដាឌ្រីម សេ១២៥ ពណ៌ ខ្មៅ សេរី ឆ្នាំ ២០១៣ ពាក់ស្លាកលេខ បាត់ដំបង (1N 8275 )ចំនួន ០១ គ្រឿង ។

បច្ចុប្បន្ន ជនសង្ស័យត្រូវបានអាវុធហត្ថស្រកកំរៀង សាកសួរនិងកសាងសំណុំរឿងរួចបញ្ជូនខ្លួននិងវត្ថុតាងទៅស្នងការនគរបាលខេត្ត ដេីម្បីដាក់ទោសតាមនិតិវិធីច្បាប់ ។

ចូលអានបន្ត...!!!

Apr 24, 2016

សមត្ថកិច្ចនរគបាលស្រុកកំរៀង ឃាត់ខ្លួនជនសង្ស័យម្នាក់រួមនិងថ្នាំញៀនមួយចំនួន

| |





បាត់ដំបង ៖ កាលពីយប់ថ្ងៃទី២៣ ខែមេសា ឆ្នាំ២០១៦នៅវេលាម៉ោង២១និង៣០នាទី កម្លាំងនគរបាលស្រុកកំរៀង បានដើរល្បាតហើយមានការសង្ស័យ ក៏បានឃាត់ខ្លួនជនសង្ស័យម្នាក់រួមនិងថ្នាំញៀនមួយចំនួន នៅតាមដងផ្លូវនិងបានឆែកឆេរផ្ទះជួលមួយកន្លែងនៅចំណុចក្រុមទី១ភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង រួចនាំយកមកអធិការស្រុកដើម្បីសាកសួរ។

តាមរបាយការណ៍របស់សមត្ថកិច្ចបានឲ្យដឹងថា ជនសង្ស័យមាន ឈ្មោះ ញ៉ែម រ៉ាវុធ ភេទប្រុស អាយុ៣២ឆ្នាំ រស់នៅភូមិកើតហេតុខាងលើ ហើយបានឃាត់ខ្លួនជនសង្ស័យម្នាក់នោះបានរកឃើញថ្នាំញៀនជាប់និងខ្លួនមួយចំនួន រួចសាកសួរបានចម្លើយក៏ទៅឆែកឆេរបន្ទប់ផ្ទះជួលមួយកន្លែងក៍រកឃើញថ្នាំញៀនសរុបមាន ៖ ម៉ាទឹកកក០៩ថង់តូច និង១ថង់ធំ មានទម្ងន់ស្មើនិង១៣៤ក្រាមនិង
យ៉ាម៉ាចំនួន១៦៤គ្រាប់មានទម្ងន់ស្មើនិង១៧.៥២ក្រាម រួមមានទូរស័ព្ទដៃ០១គ្រឿង។

បច្ចុប្បន្ន សមត្ថកិច្ចនរគបាលស្រុកកំរៀង បានសាកសួរនិងកសាងសំណុំរឿងរួចបញ្ជូនខ្លួនជនសង្ស័យនិងវត្ថុតាងទៅស្នងការនគរបាលខេត្តដើម្បីចាត់ការបន្តតាមនិតិវិធីច្បាប់។

ចូលអានបន្ត...!!!

Apr 23, 2016

កញ្ញា ធី សុវណ្ណ​ថា ប្រកាស​ប្តឹង ​លោក កឹម សុខា ដោយ​ទាមទារ​សំណង​ជំងឺ​ចិត្ត​១​លាន​ដុល្លារ ​

| |



ភ្នំពេញ ៖ កញ្ញា ធី សុវណ្ណាថា អតីតអ្នកគាំទ្រគណបក្សសង្រ្គោះជាតិ បានប្រកាសប្តឹង លោក កឹម សុខា អនុប្រធានគណបក្សសង្រ្គោះជាតិ ដោយទាមទារសំណងជំងឺចិត្ត ១លានដុល្លារសហរដ្ឋអាមេរិក ពាក់ព័ន្ធនឹងបទបរិហារកេរ្តិ៍ ហើយថា សំណងជាទឹកប្រាក់នេះ នាងនឹងយកទៅជួយដល់កុមារកំព្រា។

កញ្ញា ធី សុវណ្ណថា បានប្រកាសបែបនេះ នៅក្នុងសន្និសីទកាសែតនៅសណ្ឋាគាសាន់វ៉េ នាវេលាម៉ោង២ រសៀល ថ្ងៃទី២៣ ខែមេសា ឆ្នាំ២០១៦នេះ ពាក់ព័ន្ធនឹងដំណើរការនៃការប្តឹង លោក កឹម សុខា ។ កញ្ញា ធី សុវណ្ណាថា បានអះអាងថា ចំពោះករណីនេះ នាងនឹងបន្តប្តឹងលោក កឹម សុខា ជាបន្តបន្ទាប់ ទោះជាត្រូវទៅដល់ណាក៏ដោយ។

កញ្ញាបានបន្តថា ទង្វើរបស់លោក កឹម សុខា បានធ្វើឲ្យមានការប៉ះពាល់ដល់ប្រជាប្រិយភាពរបស់គណបក្សសង្គ្រោះជាតិយ៉ាងខ្លាំង។


ចូលអានបន្ត...!!!

ក្រសួងធនធានទឹក៖ចាប់ពីថ្ងៃទី២៣ ខែមេសា ដល់ថ្ងៃទី០៣ ខែឧសភា សីតុណ្ហភាពអតិបរមាពី៣៥-៤២អង្សាសេ, មានភ្លៀងធ្លាក់តិច

| |
ភ្នំពេញ ៖ ក្រសួងធនធានទឹក និងឧតុនិយម នៅថ្ងៃទី២៣ ខែមេសានេះ បានចេញសេចក្តីជូនដំណឹងមួយ ដោយបញ្ជាក់ពីការព្យាករណ៍ អាកាសធាតុប្រចាំសប្តាហ៍ ចាប់ពីថ្ងៃទី២៣ ខែមេសានេះ រហូតដល់ថ្ងៃទី៣ ខែឧសភា ឆ្នាំ២០១៦ ដោយរយៈពេលនេះ អាកាសធាតុនៅតែក្តៅ ពោលសីតុណ្ហភាពអតិបរមាចាប់ពី ៣៥អង្សាសេ ដល់៤២អង្សាសេ ហើយខេត្តមួយចំនួនធំក៏មានភ្លៀងតិចផងដែរ។

ជាមួយគ្នានេះ ក្រសួងធនធានទឹក និងឧតុនិយម ក៏បានបញ្ជាក់ផងដែរថា នៅថ្ងៃទី២៨ ខែមេសា ដល់ថ្ងៃទី១ ខែឧសភា ភ្លៀងលាយឡំផ្គរ រន្ទះ ពិសេសខ្យល់កន្ត្រាក់ អាចនឹងកើតមាន ក្នុងខេត្តព្រះវិហារ កំពង់ធំ រតនគិរី មណ្ឌលគិរី ស្ទឹងត្រែង ក្រចេះ កំពង់ចាម ត្បូងឃ្មុំ ព្រៃវែង និងស្វាយរៀង៕

ចូលអានបន្ត...!!!

Apr 22, 2016

ទាហានឈុតខ្មៅថៃ បាញ់៥គ្រាប់ទៅលើរថយន្តថៅកែថៃ ខណៈ​ដែល​កំពុងដឹកពលករខ្មែរចូលតាមច្រកដូង ឆ្លង​ពី​កម្ពុជា​ទៅទឹកដីថៃ

| |






បាត់ដំបង​ ៖ នៅ​យប់​ថ្ងៃទី​២១ ខែ​មេសា ឆ្នាំ​២០១៦រថយន្ត ទាហាន​ឈុតខ្មៅ​ថៃ បាន​បាញ់​៥​គ្រាប់ទៅលើរថយន្ត​​របស់​ថៅកែ​ថៃ ចំនួន​៣​គ្រឿង បណ្តាលឲ្យ​បែក​កង់​មួយ​គ្រឿង ខណៈ​ដែល​កំពុង​ដឹក​ពលករ​ខ្មែរ ឆ្លង​ពី​កម្ពុជា​ទៅទឹកដីថៃតាម​ច្រក​ដូង (​ច្រក​ឡែម​) ស្ថិតនៅក្នុង​ស្រុក​កំរៀង ខេត្ត​បាត់ដំបង ក្រោយពេល​ដែល​ខឹង​ហៅ​មិន​ឈប់ ទើបបង្ក​ឲ្យមាន​ការភ្ញាក់ផ្អើ​ល​យ៉ាងខ្លាំង ។

​ក្រោយ​ការសម្របសម្រួល​គ្នា​រួច​មក ក៏​រថយន្ត​ខាងលើ​ត្រូវបាន​ទាហាន​ឈុតខ្មៅ អនុញ្ញាត​ឲ្យ​បន្តដំណើរ​ទៅ​មុខ​ទៀត​ទៅ​។ ជាមួយគ្នានេះ នៅ​ថ្ងៃ​ទី​២១ ខែ​មេសា ឆ្នាំ​២០១៦ ពលករ​ខ្មែរ​ជាង​១០០​នាក់ ត្រូវបាន​អាជ្ញាធរ​ថៃ ចាប់បញ្ជូន​មក​វិញ​តាម​ច្រក​ដូង ដោយ​មិន​ដឹង​មូលហេតុ​ពិតប្រាកដ ពីព្រោះ​កន្លងមក មិន​មាន​ការចាប់​បញ្ជូន​មក​វិញ​នោះ​ឡើយ គឺមាន​តែ​បញ្ជូនទៅ​។​

​មន្ត្រី​យោធា​រូបនេះ បាន​លួច​បង្ហើប​ថា សម្រាប់​ច្រក​ដូង​មួយ​នេះ មន្ត្រី​នគរបាល​ច្រក ហាក់​មិន​ច្បាស់ការណ៌​ទាល់តែសោះ សម្រាប់​ការងារ លើ​ការត្រួតពិនិត្យ​ពលករ​ខ្មែរ ចេញ​ទៅ​ប្រទេស​ថៃ​នេះ ហើយ​មួយរយៈ​ចុងក្រោយ​នេះ មានការ​សម្រុកចូល​ដី​ថៃ​យ៉ាង​ខ្លាំង​៕

ចូលអានបន្ត...!!!

Apr 21, 2016

ព្រះនាម ឌូ វណ្ណ​ឌឿ​ន ជា​មេគុណ​ ខេត្តកំពង់ស្ពឺ ត្រូវបានដកតំណែង បន្ទាប់ពី​ឡើង​ច្រៀង​លើ​ឆាក​

| |



ខេត្តកំពង់ស្ពឺ ៖ គ​ណៈ​សង្ឃ​នា​យ​ក នៃ​ព្រះ​រាជា​ណាច​ក្រ​​ក​ម្ពុជា បាន​ស​ម្រេ​ច​ដ​ក​តំ​ណែង ព្រះ​​មេ​គុណ​ ​ខេត្ត​កំពង់​ស្ពឺ ព្រះ​នា​ម ឌូ វណ្ណ​​ឌឿ​ន ដែល​​បាន​​ប្រ​ព្រឹត្ត ខុស​​ធ​ម៌​វិន័យ របស់​​ព្រះ​ពុទ្ធ ដោយ​សារ​​ព្រះ​អង្គ ឡើង​​ច្រៀង លើ​​ឆាក​​ត​ន្ត្រី ឲ្យ​ពុ​ទ្ធ​បរិ​ស័ទ​​រាំ​ស​ប្បា​យ យ៉ាង​ហោចណាស់ ៥​បទ ក្នុងអំឡុងពេល​ចូលឆ្នាំ​កន្លងទៅ ដែល​ការសម្រេច​នេះ ធ្វើឡើង​នៅក្នុង​កិច្ចប្រជុំ គណៈសង្ឃ​នាយក និង​មន្ត្រី​ក្រសួង​ធម្មការ កាលពី​យប់​ថ្ងៃទី ២០ ខែមេសា ។​

​គណៈសង្ឃ​នាយក បាន​កោះប្រជុំ​ទាំងយប់ នៅ​ថ្ងៃទី ២០ ខែមេសា ក្រោយពី​វីដេអូ នៃ​ការឡើង​ច្រៀង លើ​ឆាក​តន្ត្រី របស់​មេគុណ ខេត្តកំពង់ស្ពឺ ដែល​ត្រូវបាន​គេ​បង្ហោះ នៅលើ​បណ្តាញ​សង្គម ហ្វេ​ស​ប៊ុ​ក ហើយ​ធ្វើ​ឲ្យ​មានការ​រិះគន់​យ៉ាងខ្លាំង ពី​អ្នកប្រើប្រាស់ បណ្តាញ​សង្គម​មួយ​នេះ​។ នៅ​ចំពោះមុខ គណៈសង្ឃ​នាយក ព្រះអង្គ ឌូ វណ្ឌ​ឌឿ​ន បានទទួល​ស្គាល់ កំហុស​របស់ខ្លួន ហើយ​គណៈ​សង្ឃនាយក ក៏​សម្រេច​ដកតំណែង របស់​ព្រះអង្គ ជា​មេគុណ ខេត្តកំពង់ស្ពឺ ចោល​តែម្តង ដើម្បី​ប្រគល់​ឲ្យ​ព្រះសង្ឃ ដែល​គង់នៅ​វត្ត​ផ្សេងទៀត នៅ​ខេត្តកំពង់ស្ពឺ កាន់តំណែង​ជំនួស​៕

ចូលអានបន្ត...!!!

អភិបាលរងស្រុកព្រៃនប់ ដឹកទឹក១៨០០០លីត្រ ចែកជូនពលរដ្ឋ ៩០គ្រួសារ ដែលកំពុងខ្វះខាត ទឹកប្រើប្រាស់

| |


ព្រះសីហនុ ៖ លោក ស កក្កដា អភិបាលរងស្រុកព្រៃនប់ បានដឹកនាំក្រុមយុវជននាំយកទឹក
១៨០០០លីត្រ ទៅចែកជូនប្រជាពលរដ្ឋ ចំនួន ៩០គ្រួសារ ដែលកំពុងខ្វះខាតទឹក ប្រើប្រាស់ប្រចាំថ្ងៃក្នុង ចំណោមពលរដ្ឋ  ខ្វះខាតទឹកផ្សេងទៀតនៅភូមិជ្រលង ឃុំទឹកល្អក់ ស្រុកព្រៃនប់ ខេត្តព្រះសីហនុ ។

យោងតាមគេហទមព័រ របស់ AKP នាថ្ងៃទី២១ ខែមេសា ឆ្នាំ២០១៦ បានឲ្យដឹងថា ការផ្តល់ទឹកជូនប្រជាពលរដ្ឋនេះ ដើម្បីឆ្លើយ តបនឹងស្ថានភាព ជាក់ស្ដែងនៅតាមមូលដ្ឋាន ដោយសារតែ សីតុណ្ហភាពកម្តៅទ្បើងខ្លាំង នឹងការខ្វះខាតទឹកនៅមូលដ្ឋាន។

ប្រភពដដែលបន្តថា “សកម្មភាពក្រុមយុវជន នឹងធ្វើបន្តទៀត ដើម្បីផ្គត់ផ្គង់ទឹកដល់ប្រជាពលរដ្ឋ បានទាន់ពេលវេលា បន្ទាប់ពីលោក អភិបាលខេត្តនិង លោក ប្រធានក្រុមប្រឹក្សា ខេត្តបានចុះពិនិត្យស្ថានការខ្វះ ខាតទឹកនៅតាមទីតាំងនានា ក្នុងស្រុកព្រៃនប់ ខេត្តព្រះសីហនុរួចមក”។

គួររំលឹកថា កាលពីថ្ងៃទី១៩  មេសា អាជ្ញាធរខេត្តសៀមរាប និង ខេត្តកំពត ក៏បានដឹកទឹកជូនពលរដ្ឋ ដែលមានបញ្ហាខ្វះខាត ទឹកប្រើប្រាស់ ៕

ចូលអានបន្ត...!!!